الاثنين، 10 مايو 2010

تخاريف تخاريف


ليس معنى قيام قلة بتصرف ما انها تنوب عن الآخرين او ان الباقى موافق كل واحد مسئول عن نفسه
الانسان لا يستطيع ان يحترس من كل الاخطاء ... ومهما بذل من جهد حتى لا يقع فى ذلك الخطأ الشائع فحقا يتجنبه ولكنه يقع فى خطأ آخر

شئ غريب ان احيانا الانسان يفرح لمواقف المفترض انها تحزنه ولكن رغما عنه يفرح مثلا تأجيل الامتحانات

ذلك الشخص العدوانى الذى يعامل الجميع بطريقة سيئة الجميع متضرر منه ويتحاشونه يخافون من اذيته ويدعون عليه لكن لم يفكر احد فى ان يسأله لماذا يفعل ذلك ربما لأنه وحيد او ان الناس يهملونه مؤكد هناك سبب محزن وراء ما يفعله رؤية هؤلاء المفترض تسبب الخزن اكثر من النفور

اليوم نت وغذاء وغدا نفعل ما نشاء

من انت ايها الكائن الساكن عينى فى انعكاس صورتى على تلك المياه المتلألأة عند سفح بركان نفسى اين انت

من يسخرون من الآخرين الافضل لهم ان يروا انفسهم الاول ثم يتكلموا

ليس معنى انه مكتئب انه لا يحمد ربنا
ليس معنى انه يضحك انه سعيد
ليس معنى ان ملابسه محترمة انه محترم
ليس معنى انه صامت انه لا يعرف
ليس معنى انه صامت انه مخطئ
ليس معنى انك لا ترى الغبار انه ليس موجود
ليس معنى ان الحقيقة قد خفيت انها ليست حقيقة
ليس معنى انك لا تجد عذرا لصديقك انه مذنب
ليس معنى انه يعرف اسمك انه يعرفك

عندما يقول شخص ان قلبه كتاب مفتوح اعلم ان ورائه مصايب
عندما يبدأ شخص الكلام بجملة (فى الواقع ..) قاطعه على الفور قائلا (ابتدينا الكدب من اولها اهو )

4 قالوا رأيهم:

Rouan يقول...

بجد يا ايمى انا معجبه اوى باخر عشر سطور والله يا بنتى انتى تدخلى التاريخ بالكام جمله دول والله الكلام ده عجبنى اوى بس انا لسه معترضه معاكى وباطالب بالغاء كلمه اكتئاب من القاموس لان انا مؤمنه ان الاكتئاب ده حاله وهميه ملهاش اى اساس من الصحه


وبقولها تانى ان الامور لا تتعقد بطبيعتها ولكن تتعقد بطبيعطنا نحن ..........من داخل الانسان يخرج التفاؤل او الاكتئاب

Rouan يقول...

معلش انا هاعمل كومنت تانى اقول فيه ان الاكتئاب بيقتل الطموح

Doaa helal يقول...

معلومة ليكي وليها المكتئب مبيعرفش اصلا انه مكتئب هي دي اعراض الاكتئاب اللي بيقول انا مكتئب ده استحاله يكون مكتئب لان المكتئب اصلا ميعرفش ايه الحاله الي هو فيها ولا يعرف اذا كان مكتئب ولا لا فمتكبروش الموضوع الحكاية مش اكتئاب ممكن نقول تشاؤم او نسميها حاله بمزاجك عاوزة تكوني فيها ولو عاوزة تخرجي منها هتخرجي بس انتي حبيتيها علشان كده مش عارفة تتغلبي عليها
انا نسيت الموضوع الاصلي تسلم ايدك يا ايمي

Alice يقول...

الله يخليكى يا روان بس مش للدرجة كان امبارح دماغى عالية علشان الامتحان اتأجل بس فكتبت الكام تخريفة دول انتى اثرتى فيا بكلامك امبارح يا بنتى فى النادى انا مش حقعد معاكى تانى (انا بهزر ) بالمناسبة تبقى تجيبيلى الكتاب بصى خلاص خليه بعد الامتحانات
جامدة جامدة جامدة الجملة دى يا روان مش زى ال ..يلا ماعلينا
انتى تعلقى براحتك يا روان لسة مش متفقة معاكى فى حكاية ان الاكتئاب بيقلل الطموح دة شئ ودة شئ
انا بالمناسبة يا روان انا عارفة ان الحكاية دى حتبسطك انا ..انا .. حغير الtheme واخليه حاجة احلى
هه قولى تانى كدة
ايه حكاية مش اكتئاب لكن ممكن تشاؤم التشاؤم دة بعيد التشاؤم يعنى انك تتوقعى السئ فى كل حاجة انا الحمد لله مش كدة لكن الاكتئاب قريب على فكرة ممكن كلام الحالة دةيكون صح فى حكاية انى تعودت عليها لكن الباقى غلط
الله يخليكى يا دعاء
انا كتبت باين تلات مواضيع امبارح دول لآخر الشهر بقى فى الاجازة ان شاء الله نبقى نولع المدونة وحنتكلم فى كل حاجة سياسة اقتصاد دين فى كل حاجة ان شاء الله

إرسال تعليق

هنا مساحة للتعبير عن رأيك بحرية ..

ازاي أنا رافع راسك وانتي بتحني في راسي ازاي ؟!

ازاي أنا رافع راسك وانتي بتحني في راسي ازاي ؟!

بحبك يا بلادي

بحبك يا بلادي

جمعة النصر : )

جمعة النصر : )

كلنا ايد واحدة

كلنا ايد واحدة